-Efedoù muntr ar c'helenner war ar galleg Dominique Bertrand betek Breizh

Dec’h ‘oa dalc’het obidoù Dominique Bernard ar c’helenner war ar galleg zo bet droukalzet gant ur sponter islamist. ‘Ba Arras ‘ba hanter noz Bro C’hall ‘oa renter enor dezhañ. Ur gwalldarvoud spontus ‘neus efedoù ‘ba Frans a-bezh ha ‘ba Breizh. Ar steuñv Vigipirate zo bet krenvaet a galz hag e rank bout lakaet e pleustr gant holl renerien ar skolioù. Efedoù zo beket Breizh. En sonj e oa Skolaj Diwan Penn-ar-bed aozañ, hudu, un abadenn kross hag un abadenn lid da reiñ o diplomoù d’ar re ‘neunt bet o Breved e 2023. Ranket zo nullañ anezho… Noël Kariou, rener skolaj Diwan Penn ar Bed zo gant Erwan Blanchard.

-Stivell par Alan: deuet eo er-maez emvuhezskrid ar barzh!

Stivell par Alan, setu emvuhezskrid kentañ ar c’haner mil-brudet Alan Stivell a zo bet embannet nevez zo. Kinniget neus e levr en egor Ouest France e fin miz Gwengolo hag e vo kinniget en dro e Gouel al levrioù e Breizh e Karaez ‘benn fin ar Miz. El levr po tro da zizoleiñ bern traoù diwar bern ar c’haner a zo a orin deus ar revival er bloavezhioù hanter kant ha tri-ugent, deskiñ a reomp traoù diwar benn e vuhez met ivez diwar-benn hon istor. Istor an delenn gentañ, skaouted Bleimor, an Olympia hag all … displegañ a ra Alan Stivell deomp penaos eo deuet ar c’hoant kontañ istor e vuhez ... Gant Anton Burel emañ.

Ar reportajoù zo da selaou amañ

Embannet eo bet ar c'heleier gant Erwan Blanchard.