Re domm eo bet miz Gwengolo ha penn kentañ miz Here
Tomm eo bet an amzer betek dec'h e Breizh, kalz muioc'h 'vit 'pezh zo dleet er c'houlz-mañ deus ar bloaz. Miz Gwengolo 2023 a zo bet ar mizvezh tommañ bet enrollet biskoazh da geñver an temperadurioù boaz e miz Gwengolo e Frañs. 3,6 C° derez a-us da geidenn temperadurioù an ugent vloaz tremenet a zo bet enrollet. Padet eo an tommder-se betek ar 'zhun mañ, ha ne weler ket c'hoazh liv an diskar-amzer. Selaouomp Gwenole Gevel, meteorologour war e leve, a ro e soñj deomp.
Gwenole Gevel a oa bet aterset gant Metig Jakez-Vargas. Adalek warc'hoaz e tigresko an temperadurioù hag a-benn fin ar 'zhun e tistroio ar glav.
