Ur c'hampionad paledoù war blankenn a vo en Aodoù-an-Arvor evit ar wezh kentañ ! Lakaet eo war droad gant ar CDSMR, Komite Departamant ar Sportoù war ar Maez. Faot a ra d'ar bodad reiñ ul lañs nevez d'ar paledoù war blankenn er vro. Etre miz Here ha miz Meurzh 2024 e vo graet ar genstrivadeg. 6 skipailh a vo o talañ an eil ouzh egile. Met ne vo nemet ur c'houp, anat deoc'h !

Digwener an hini eo e krogo ar c'hrogadoù. E Pleuloc'h, e Bro-Oueloù, e vo bodet an dud evit an tennad kentañ. Adalek 7e noz e komañso an traoù. Unan eus ar pegadoù a enebo skipailh PKK, Plankennoù Koad Kawan, ouzh skipailh Rostrenn. Gweltaz Heno zo e-mesk c'hoarierien kêrbenn ar Fiseled. Ne vo ket o kemer perzh er c'hampionad met heuliañ a raio anezhañ, sur !

Degasomp da soñj e vez c'hoariet e Breizh estroc'h evit gant plankennoù. E Bro-Poc'hêr e vez c'hoariet paledoù war zouar lakomp...

Pennad-kaoz gant Tomaz Laken