Tomm eo bet an amzer betek dec'h e Breizh...

... kalz muioc'h 'vit 'pezh eo sanset bout er mare-mañ deus ar bloaz. Miz Gwengolo 2023 eo bet ar mizvezh tommañ bet enrollet biskoazh da geñver an tamperadurioù boaz e miz Gwengolo e Frañs. 3,6 C° derezh a-us da geidenn temperadurioù an ugent vloaz trement a zo bet enrollet. Padet eo an tommder-se betek ar 'zhun mañ, ha ne weler ket c'hoazh liv an diskar-amzer. Selaouomp Genole Gevel, meteorologour war e leve, a ro e soñj deomp. Gant Metig Jakez Vargas emañ.

Troidigezh "Algues vertes, l'histoire interdite" e brezhoneg

Ouzhpenn miz zo bremañ e oa krog da sevel bec'h war ar rouedadoù sokial diwar afer troidigezh vrezhonek ar vandenn-dreset Algues vertes, l'histoire interdite. Oberenn ar gazetennerez Inès Lérault hag an treser Pierre Van Hove. Gant An Amzer, un ti-embann eus Pornizh e Liger-Atlantel, eo bet graet war-dro an embann e brezhoneg. Met kemmet da vat e oa bet labour an troer gant an embanner just a-raok na vije embannet ar vandenn-dreset e miz Gouere. Abalamour da se eo bet gourdrouzet an embanner bezañ kaset dirak ar justis gant an obererien ma ne vije ket tennet gantañ ar skwerennoù eus al levr hag a zo c'hoazh e gwerzh e stalioù-levrioù ar vro. Goulennet o deus groñs ivez digantañ adembann an oberenn dindan ur stumm asantet gante. Met n'en deus ket goulet an embanner plegañ. Rak hervezañ n'eo ket reizh ar c'hlemmoù graet outañ. Tugdual Karluer zo ouzh mikro Tomaz Laken.

Ar reportajoù zo da selaou amañ

Da glevout 'bar c'heleier:

- Kelc'hiet eo Bandenn Gaza gant Tsahal

- Votet eo gant an deputeed e vo d'an dud zo gant an RSA labourat 15 eurvezh ar sizhun. 

- Douen a ra kêr Hillion klemm ouzh produerien film "Bezhin glas, an istor difennet".

Embannet eo ar c'heleier gant Erwan Blanchard.