Kêr Blougastell ‘neus divizet mont war hent Live Pevar ar garta Ya d'ar brezhoneg, al live uhelañ...,En holl eo 55 obererezh e c’haller lakaat e plas. Met pal Plougastell zo dont a benn 48 anezho… Hag ur bouchad zo lañset dija… Selaouomp Dominique Cap, maer ar gumun. Gant Erwan Blanchard emañ.

Ar glyphosate a c’hellfe bezañ implijet betek ar 15 a viz Kerzu 2033... An aotre da implijout glyphosate a oa sañset echuiñ e-kerz miz Kerzu… Met kinnig a ra ar c’homision european astenn implij ar produ-se. Pezh zo digomprenus evit ar strolladoù ha kevredigezhioù a stourm enep ar pestisidoù, 'vel Dour ha Stêrioù Breiz. Jean-Paul Runnigo a zo ouzh mikro Yuna Kojan.

Holl reportajoù Keleier ar Vro da selaou AZE.

Ha da glevet ivez er c'heleier :

- Kinniget en deus Emmanuel Macron ur steuñv raktresiñ ekologel

- Aloubet e oa bet burevioù ministrerezh an Treuzkemm ekologel dec'h gant sindikalourien Sud-Rail...

- N'eus ket bet kement a ziforc'hadennoù pe IVGoù e Frañs abaoe 1990

- Pemp miz eo padet harz-labour skrivagnerien ha skrivagnerezed Hollywood

- Ne vo ket serret uzin Yves Rocher e Ploermel

Keleier kinniget gant Metig Jakez-Vargas