25 bloaz eo Arvorig FM ar bloaz mañ ! Ar radio zo e lugan « Mouezh Bro-Leon » ‘neus komansetb da embann abadennoù e brezhonegb gant tud a youl vat a felle dezhi reiñ da selaou programmoù hollvrezhoneg… memes bloavezh evel oa bet kroet Radio Kerne ‘ba bro Kemper. Araok 1998 ne oa ket met radioioù divyezhek a skigne brezhoneg : RKB, RBG hag RBI… Petra zo kaoz ‘neunt fellet dezho ur guchennadig tud sevel Arvorig FM ? Selaouomp Gireg Konan da gentañ. Hemañ diwezhañ ‘noa kaset an troc’h evit ma ‘vefe kroet ar radio ‘ba hanter noz Breizh… Emañ paotr Perroz-Gireg gant Tomaz Laken… Ha war lerc'h 'po tro da glevout Ronan an Hirrien enrollet gant Erwan Blanchard.

Ur fest-noz ’vo disadorn evit lidañ deiz ha bloaz Arvorig FM ‘ba Loperc’hed ‘ba sal an trimaran. Gallout ‘raio an nen mont da zansal war sonerezh strolladoù brav evel Forzh Penaos, MP6, Re an Are pe c’hoazh an daouad Le Goffig-Poho.