Jiminaz"La quimperoise", ur savadur istorel 'ba Kemper
Gweladennoù a bep seurt a zo bet dre ar vro 'pad an dibenn 'zhun evit devezhioù glad. E Kemper e oa posupl dizoleiñ istor savadur ar « quimpéroise », ur savadur « arz nevez » eus penn kentañ an 20vet kantved ha sal jiminaz istorel Kemper. Hiziv an deiz e c'hell pep hini lakaat e anv e klub jiminaz La Quimpéroise met e penn kentañ tout e oa bet soñjet evit ar baotred, da heul brezel 1870, 'vit ma c'hellfent gourdoniñ ha bezañ prest ma tarzhfe ur brezel all. Splujomp en istor gant Annaig Loizel, hanterourez war ar glad e Kemper. Emañ gant Metig Jakez-Vargas.
