Kevrenn Sant-Mark a sono e rummad kentañ en dro!!!
E rummad kentañ kampionad ar Bagadoù e kenstrivo ar gKevrenn Sant-Mark e 2024 ! Un taol-kaer eus perzh ar bagad ‘oa bet kroet e 1947… ‘Bloaz ‘zo e konkoure en trede rummad hepken. En em gavet eo ar bagad e eil plas kampionad eil rummad ar bloaz mañ ha gounezet ‘neus konkour an hañv e kerzh an dibenn sizhun diwezhañ ‘ban Oriant. Distro el live uhelañ ar bagad eo. Kaset ‘neus an troc’h ‘pad bloavezhioù e rummad kentañ. Unnek gwech eo bet kampion Breizh Kevrenn Sant-Mark ! Hag e 1977 ‘oa bet divizet paouez kemer perzh ‘bar c’henstrivadegoù aozet gant Bodad ar Sonerien evit gellet seniñ en ur mod dieuboc’h ‘ba konsertoù hag abadennoù a bep seurt. Ar bloaz 2023 eo bloavezh an distro vras… Oa ket sonerien Brest ‘vit sonjal dont a benn da bignat e rummad kentañ. Selaouomp Goulven Kadored ha Sarah Lesné, daou eus talabarderien Kevrenn Sant-Mark. Emaint gant Erwan Blanchard.