- Deiz-ha-Bloaz Kerlenn Pondi !

70 vloaz zo gant Kerlenn Pondi ar blez-mañ ! Da lidañ an deiz-ha-bloaz-se vo savet ur fest bras an dibenn-sizhun o tont e Pondi. Ouzhpenn ar festoù-noz ‘vo oberiadennoù a bep seurt a-hed fin ar suhun… Un dibunadeg gant ar sonerion ha sonerezed vo disadorn, diskouezhadegoù gant Kenleur vo war mogerioù Pondi… Ha distro a ray an arvest Ael ivez ! An arvest-se oe savet get ar Gerlenn ha Yann-Fañch Kemener, ar c’haner brudet. Ael zo un arvest gant sonerezh ha dañs… Moian vo dizoloeiñ pe gwelet en dro Ael digwener, hervezh Eflamm Louis, prezidant Kerlen Pondi. An arvest zo un arouez ag an holl oberiadennoù oe savet get er Gerlenn...

Un atersadenn gant Yuna Kojan.

- Ar breizhad Valentin Madouas zo kampion Frañs velo !

Disul 'oa aet ar maout gant ar brestad Valentin Madouas da geñver kampionad Frans en linenn evit an dud a vicher 'oa dalc'het 'ba Cassel 'ba hanter noz Bro-C'hall ! Valentin Madouas 'zo 26 vloaz anezhañ ha kourser e vicher a baoe 2018. Disul 'oa ur gwir taol kaer 'noa graet kar 'oa ket ar wech kentañ dezhañ bout kampion Bro-C'hall. E 2016 'noa savet an divrec'h dija 'pa 'noa gounezet kampionad Frans amatour. N'eo ket stank ar rederien zo deuet a benn da c'hounit o daou gampionad Bro-C'hall mañ. N'eo ket souezhus evit Louis ar Rous, aozer koursoù 'ba Bro-Leon, gwelet Madouas gant ar roched glas, gwen ha ruz…

Un atersadenn gant Erwan Blanchard

Holl reportajoù Keleier ar Vro da selaou AZE.

Ha da glevout ouzhpenn er c'heleier :

- Taol-stad c'hwitaet e Russia

- Dilannedadegoù-kannad e bro C'hres

- Breved e brezhoneg !

Ar c'heleier zo bet embannet gant Anton Burel