In Cité 8 : gweladennoù heñchet e brezhoneg eus troiad an oberennoù arzel
Klozet e oa bet In Cité disadorn e Rostrenn ! Gant eizhvet gouel an arzoù kêr ekologel e oa bet pedet 9 arzour hag arzourez da chom e Rostrenn hag er C'hastell-Nevez e-pad un nebeud devezhioù da grouiñ oberennoù e kreiz-kêr. Aozet e vez In Cité bep bloaz gant ar gevredigezh La Fourmi-e. Hag evit ar wech kentañ e kinnige honnezh d'an dud gweladennoù heñchet divyezhek eus an troiadoù da zizoloiñ an oberennoù bet savet. Ur c'henlabour gant Padrig Ferog eus ar gevredigezh RAOK. Deomp d'e heul ha da heul arzourien eus Breizh, eus ar Frañs hag eus pelloc'h c'hoazh...
Lean Boisard-Koad, en karg eus kefridi ar sevenadur evit Kumuniezh Kumunioù Kreiz Breizh da glevout ivez er reportaj.
Pennad-kaoz gant Tomaz Laken
