Ur liw amerikan a vez ged ar strollad saos The Leisure Society. Ur paread rock levesonet ged folk ha pop ew, krouet e 2005 ged ar soner-kitar Nick Hemming, ar haner ha liesmusissian Christian Hardy, tud a Londres hag a Vrighton. An albom kentañ The sleeper e 2009 oa bet degemeret mad ged ar publik hag ar vurutellourion, kement'rall ewid Into the murky water e 2011. Derhel a rant da ziskoueziñ o ollved personel-bras e 2013 ged Alone aboard the Ark. Meur a zilhad o deus laket amañ : trist pe gae, inervet, hoari a rant ged meur a stil-musik iwe (toniow-bale fromus, pezhiow rock kreñvoh, rimadellow douss, un aergerl jazzy ba "Forever shall we wait") : e gwirionez e tiskouezant stêr ar vuhez. Ampart int ewid sevel toniow efedus ha kisellet-fin, kement èl posiow a galite, e-kis The Divine Comedy da skwer ("Life is a cabriolet") ha ne gaver ket hir an amser ged an trede albom-mañ. The Leisure Society a dalv ar boan boud anavet gwell, anad ew ged Alone aboard the Ark, enrollet ged Ray Davies (The Kinks) barzh e studio personel, Konk, àr mekanikow kozh, ha mod-sen o deus essaeet ur bochad traow ohpenn. Interessus ew an disoh ! PETER, PAUL AND MARY "Blowin' in the wind" in Live in Japan (1967 . Warner Bros) HOT CHIP "Motion sickness" in In our heads (2012 . Domino) LOCAL NATIVES "Breakers" in Hummingbird (2012 . Infectious . Frenchkiss Records) DEPECHE MODE "Angel" in Delta machine (2013 . DAUGHTER "Smother" in If you leave (2013 . THE LEISURE SOCIETY "Fight for everyone" in Alone aboard the Ark (2013 . Full Time Hobby) Liammow an deiz : > The Leisure Society ha > Hot Chip > Daughter > Local Natives > Depeche Mode > Peter, Paul And Mary