Penoas eo bet ar sezon 'pad an hañv ar bloaz-mañ ? Na fall, na mat, 'blam d'an amzer glib ha gris. Morse, aboae hanter kant vloaz, oa bet kement a glav e Breizh ! E Bro C'hall, hag en Europa dre vras, oa memes mod. Un tammig nebeutoc'h a dud 'zo deuet da dremen vakañsoù e Breizh 'ta met dreist holl o deus diwallet mat war an dispignoù. Ur tourist war 5 a zeu e Penn ar Bed, a zo staliet 'ba bro Fouen. Evit rouzañ war an traezhennoù met ivez evit ober pourmenadennoù e kompagnunezh Lucienne Moisan, animatourez natur enTi Kêr Fouen. Ha niverus oant an douristed c'hoazh ar bloaz-mañ !