Birvilh 'zo 'bar stourm sokial 'ba Montroulez. Abaoe tri miz eo milionoù a dud 'zo savet eus reform ar retredoù 'ba Breizh ha 'bar c'hwec'hkorn. Hag ouzhpenn ar manifestadegoù 'zo meur a stumm da stourm 'zo lakaet e pleustr a sizhun da sizhun. 'Ba Montroulez eo gwir penn da benn. 'Vit beure 'oa stourmerien o stankañ an trenioù 'ban ti gar… Ingal 'vez stanket kroaz-hentou rond pe lakaet an dud da vont goustad war an hent pras (giz se vez distaget) etre Montroulez ha Brest. Kement oberenn o vezañ kaset gant ar stroll sindikadoù 'zo … oberiant tre. Penaos e c'haller displegañ an nerzh stourm e kaver 'ba ur ger bihan 'walc'h 'vel Montroulez? Un nebeut displegadennoù gant Fabris Kadou 'zo perzh ar stroll etre-sindikadoù. Emañ gant Erwan Blanchard

Hervez Fabris Kadou n'eo ket politikerezh ar polis a harzho ar stourm da vont en dro… 'Benn diriaou 'vo ar stroll etre sindikadoù war ar straedoù 'vel just… gant un daouzekvet manifestadeg disklaeriet. Lakaet eo an emgav 'ba plasenn Pouyo da 11e 'ba kreiz kêr Vontroulez.