Fest-noz Diwan gant Les Ramoneurs de menhirs e Boulvriag !
Ur fest-noz a vo disadorn e Boulvriag da souten Skolaj Diwan Bro-Dreger. Ur fest aozet gant Kuzul Skoazell skolaj Plijidi. Dont a ray ar sonerien evit mann da reiñ un taol sikour da dud ar skolaj ha da harpañ o raktresoù pedagogel !
E krec'h ar skritell... ur strollad milvrudet : Les Ramoneurs de menhirs ! Un digarez deomp da doullañ-kaoz gant unan eus kanerien ar strollad, Gwenael Kere. Emañ dre bellgomz gant Tomaz Laken, en deus goulennet gantañ pelec'h e oa arriet o raktres pempet pladenn...
War leurenn sal ar Forjoù Boulvriag disadorn e vo da heul Les Ramoneurs de menhirs : Pennoù devet, Priol-Corre, Llym, Thelo hag Envel. 6 euro da vont e-barzh...un nebeud gwenneien da skoazelliñ skolaj Diwan Plijidi ! Plijadur a vo !
