Okupet eo skol arzoù-kaer Kemper
Abaoe dek devezh eo okupet skol arzoù-kaer an Eesab e Kemper gant studierien ha studierezed. 36 skol arzoù-kaer, design ha tisavouriezh publik all a zo okupet ivez Frañs. Izeloc'h eo budjed ar skolioù-se a vloaz da vloaz. Kaoz a zo ivez eus krennañ postoù labour ha chom hep erlec'hien ar gelennerien az a war o leve e skol arzoù Kemper. Maiwenn Le Pape a zo studierez eno abaoe tri bloaz ha nec'het eo evit dazont he skol. Selaouomp anezhi diouzhtu.
Maiwenn Le Pape a oa ouzh mikro Metig Jakez-Vargas. Goulenn a ra ar studierien ha studierezed ur steuñv arc'hantaouiñ evit ar skolioù digant ar Stad hag ar strollegezhioù publik. E Kemper e vez kinniget ur programm abadennoù sizhuniek gant ar studierien ha studierezed tro-dro da ac'hubadenn (okupasion) ar skol arzoù.
