Lakaet eo war wel zo harzhet kalzig a vanifesterien hep abeg ebet… Harzhet zo tud da geñver ar manifestadegoù a enep adreizh sistem al leveou ha da geñver ar manifestadegoù n'int ket bet disklaeriet en araok. Kaset int d'ar c'homiserdi ha lakaet dindan ensell 'pad meur a eurvezh… Pezh zo eo an holl a c'hall bout tapet evel se, manifesterien difeuls tapet dre zigouezh… Ar gudenn se'zo bet lakaet war wel gant politikourien. Kondaonet eo bet gant Sindikad ar varnerien ivez. Amnesty Etrebroadell 'neus lakaet war wel skouer ar 16 a viz Meurzh tremenet 'pa 'oa bet serret daou c'hant daouzek den ha pevar ugent 'ba Pariz… ha daou c'hant tri den ha pevar ugent 'oa aet maez ar prantad "garde a vue. Dimeurzh tremenet eo ur paotr yaouank eus Breizh zo bet harzhet 'vel se gant ar boliserien. Goude e devezh labour, eus noz, 'noa divizet mont da blasenn ar Bastille 'ba Pariz 'vit manifestiñ. Soaz, e vamm, a gonta deomp, ar mod eo tremenet ar prantad dindan ensell 'oa padet c'hwech eurvezh ha tregont. Emañ gant Erwan Blanchard.