Manifestadeg pesketaerien

Ur vanifestadeg a oa e Roazhon hiziv, galvet gant ar c’hollektif "Pesketerien e fulor". Dalc’het eo bet diouzh beure war reper Charlez ar Gall. Nac’het en doa ar prefed degemer ar besketaerien war blasenn breujoù Breizh …

Fuloret eo skolioù divyezhek bro Gerne

Kerent gant o bugale ha skolaerien eus skolioù divyezhek puplik Douarnenez, Ploveur, Pleiben, Ploveilh, Brieg ha 2 skol divyezhek eus Kemper a oa en em vodet dirak ensellerezh akademikel Penn-ar-bed e Kemper ar mintin-mañ. Goulenn a raent groñs bezañ resevet gant pennoù-bras an Ensellerezh a-benn kavout un diskoulm d'ar vank erlec'hierien divyezhek er skolioù.

Forum Stumdi

Dek vloaz 'zo 'oa bet roet lañs gant servij hentañ Stumdi d'ur forom da ginnig ar micherioù a c'heller ober war lerc'h ar stummadur. En desped d'an devezh harzh-labour 'vo dalc'het ar forom-se warc'hoazh. Un nebeut displegadennoù gant Helen Bonieg, renerezh Stumdi.

Reportajoù keleier ar vro a c'hellit adkavout AMAÑ

Ha da glevout ivez er c'heleier :

- Fellout a ra da Emmanuel Macron e vefe lakaet lezenn adreizh al leveoù e pleustr a-raok fin ar bloaz

- Taeroc'h taerañ eo ar polis gant ar vanifesterien

- Pevar studierez eus Naoned o deus douget klemm a-enep poliserien evit feulsterioù seksel o deus gouzañvet e-pad ur vanifestadeg

- Emzalc'hioù mantrus polis Londrez a ra reuz e bro Saoz

- Ur fiasco ekologel e vo kib ar bed mell-droad 2026

Keleier kinniget gant Metig-Jakez-Vargas