Héritages gant Camille Le Jeune e Ti ar Vro Gwengamp disul !
En birvilh emañ Ti ar Vro Gwengamp evit an deizioù ! War digarez mizvezh ar brezhoneg e vez aozet e-leizh a abadennoù eno betek fin ar miz. Disul 12 a viz Meurzh da 5e d'abardae eo ur pezh-c'hoari an hini a vo kinniget e Ti ar Vro. Un abadenn anvet Héritages krouet ha c'hoariet gant Camille Le Jeune. Ur pezh ma vez kontet gant ar gomedianez un istor-familh. Istor Maryvonne, klaskerez-vara. Ur plac'h solut he deus bet ur vuhez kriz. En ur ziskouez ur vamm o tispakañ d'he bugel nevez-ganet istor meur a dudenn liesliv e kinnig Camille Le Jeune un arvest tener ha farsus war un dro...
Priz libr da zont e-barzh !
Pennad-kaoz gant Tomaz Laken
