Ar gouel « Lire à Guingamp » a vo adalek arc'hoazh ha betek disul ! Ur programm pinvidik zo kinniget d'an dud e kreiz-kêr Gwengamp : ur « saloñs al levrioù », filmoù, diskouezadegoù met ivez taolioù-krenn. Unan eus ar c'haozeadennoù kinniget a vo « ar skrivañ awenet gant Breizh ». Ur gejadenn etre tri skrivagner eus ar vro : Fañch Rebours, Louis Grall ha Daniel Kay. Lusket e vo ar gaoz gant Frañsez Favereau, bet kelenner e skol-veur Roazhon 2. Triwec'h skrivagner ha skrivagnerez a vo gallet ober anaoudegezh gante e-skeud ar gouel a-hend-all. Bretoned met ivez skrivagnerien eus Bro-c'hall, darn o skrivañ evit ar yaouankizoù ha darn all evit an dud deuet. Fañch Rebours, unan eus pluennoù anavezetañ Bro-Oueloù a gomz deomp eus un ti-embann a vo gwelet e-pad tri devezh ar festival. Un digarez ivez da gaout un tañva digantañ eus an daol-grenn a vo perzh enni...

« L'inspiration de la Bretagne dans l'écriture ». Hennezh eo anv an daol-grenn a vo disul e-kerzh ar gouel « Lire à Guingamp ». Ur gaozeadenn e galleg gant ar skrivagnerien Fañch Rebours, Louis Grall ha Daniel Kay. Emgav zo roet da unnek eur ba teatr Maez ar Roue...

Pennad-kaoz gant Tomaz Laken