Un diskouezadeg gant Béatrice Noel e Kelenn
Betek an 19 a viz Ebrel e vo dalc'het ur diskouezadeg e salioù-stummañ Kelenn e Kemper. Taolennoù Béatrice Noël a zo staliet neuze e Penhars. Dibabet he deus an arzourez envel he oberenn "Mouvances" pe "Lusk Dilusk" ; un digarez evit an danvez skolaerien da brederiañ war an arz ha, piv 'oar, kaout mennozhioù evit kas labour-dorn da-benn gant ar skolidi. Setu da nebeutañ soñj Arzela Calvez eus Kelenn. Lakaet he deus Katell Uguen da zizoloiñ an diskouezadeg.
