Pemp blez so bremañ e oa dàet er-maes Stadium arcadium, setu arru e 2011 degved albom ar strollad a Galiforni Red Hot Chili Peppers. I'm with you e ditl, un disk donoh, unvan, ha gete ataw o hejaj majik a rock, funk, soul ha hip-hop, kasset dalhmad ged mouezh Anthony Kiedis, ur look newez ha drol getoñ. O stil-kustum vez anavet dohtu ba "Annie wants a baby" da skwer pe ba'r single kentañ "The adventures of Rain Dance Maggie", mes klewet vez ohpenn soniow afrikan ba "Ethiopia", latino ba "Did I let you know". Moaian vo da zañsal ged "Dance, dance, dance", da voud fromet ged un nebeud toniow-bale iwe ("Brendan's death song" pe "Police station"). Tost int d'o hanterhant vlez, mes gouarnet o deus RHCP o speredow-krennarded, an hoant d'ober bourrabl ha d'hor lakaad da fichal, na boud en em bellaant a-zoh o mareadow drammow, seks ha rock'n'roll. Da vad ? Da voud klewet... CHARLOTTE GAINSBOURG "Terrible angels" in Terrible angels - EP (2011 . Because Music) NIRVANA "Smells like teen spirit" in Nevermind (1991 . Geffen Records) RED HOT CHILI PEPPERS "Give it away" in Blood sugar sex magic (1991 . Warner Bros) RED HOT CHILI PEPPERS "The adventures of Rain Dance Maggie" in I'm with you (2011 . Warner Bros) MIKE OLDFIELD "Guilty" in Incantations (1979 . Virgin)