N'eo ket brav bezañ klañv evit an deizioù. Bec'h a vez war labourerien ar yec'hed bemdez met gwashoc'h c'hoazh eo ar jeu e fin ar bloaz-mañ. Abalamour d'ar grip a zo taer a-walc'h evit ar bloaz. Abalamour d'ar virusoù-goañv, d'ar c'hovid, d'ar bronkiolit a grog ba'r poupigoù. Ha da harz-labour ar vedesined liberal. Diskrog-labour zo gant darn anezhe hed-ha-hed ar sizhun-mañ. Diwar ur galv digant ar strollad « Medecins pour demain » a c'houlenn ma vo graet da briz ar bizitadennoù kreskiñ. Deus 25 da 50 euro. Ur goulenn douget gant ul lodenn deus ar sindikadoù medesined. Emañ ar re-seoù o varc'hata er mare-mañ, asambles gant « Medecins pour demain », gant Kef Broadel Asurañs ar C'hleñvedoù. Selaouomp testeni ur vedesinez ha n'he deus ket c'hoant kaer da heuliañ ar grev abalamour d'ar pezh a vez goulennet gant ar c'hrevisted a-fet arc'hant. Gouez dezhi eo ar c'hoñdisionoù labour an hini eo a vefe ret cheñch da zigentañ. Kar goulennet e vez re digant ar vedesined... Un troc'had-kaoz gant Yuna Kojan.

Harz-labour a vo betek fin ar sizhun-mañ ha manifestiñ a vo graet gant ar vedesined e Pariz d’ar 5 a viz Genver.