Bezañ e vo festivalioù e-pad an hañv e 2024 !
Sell aze ar pezh a oa bet disklêriet gant ministrerezh ar sevenadur ar sizhun baseet. Aon o devoa festivalioù zo rak o amzer da zont abalamour d’ar c’hoarioù olimpel a vo graet e Bro-c’hall etre an 18 a viz Gouere hag an 11 a viz Eost 2024. Miz zo en devoa disklêriet Jerald Darmanin e c’hallfe ar festivalioù bezañ lakaet diwezhatoc’h pe nullet memes ! Afer a vo 30 000 a boliserien hag a jañdarmed e-pad ar c’hoarioù bras-se… Ha mankout a rafe neuzen poliserien da vesa ar festivalioù. Hervez ministrez ar sevenadur ha ministr ar sportoù ne vo ket nullet ar festivalioù e-pad an hañv koulskoude… Met cheñch a raio deiziadur ar festivalioù e 2024 memestra. Hélène Bonieg zo ezel deus kuzul-merañ gouel etrekeltiek an Oriant. Respontet he deus da c'houlennoù Yuna Kojan.
