50 vloaz eo Dastum! Lidet eo krouidigezh ar gevredigezh war un ton ar bloaz mañ… Hag evit en ober 'zo bet savet meur a oberenn vit reiñ ton d'al labour 'zo bet kaset abaoe 1972. Disadorn 'oa klozet al lajad gouel gant ur fest-noz bras 'ba Rostren…

50 vloaz zo 'oa roet lañs d'ar gevredigezh gant ur strollad sonerien neuhen… En o-mesk Michel Premorvan, Yves Berthou, Daniel L'hermine, Jean-Yves Le Maître, Gi Jacob ha Padrig Malrieu. Gant ar pal oant dastum, gwareziñ ha skignañ glad dre gomz Breizh Istorel: tonioù, kanaouennoù, kontadennoù, troioù lavar ha kement 'zo.

Ul labour ramzel 'zo talvoudus 'vit tud an holl rummadoù. A-drugarez da zDastum 'neunt gellet ur bouchad tud dizoloiñ sevenadur Breizh hengounel hag ar brezhoneg 'vel Sophie Hunseg. Gopret eo bet ha labouret 'neus a youl vat gant Dastum…

Dindan 50 vloaz eo ur pezh mell labour zo bet kaset gant Dastum! 120 000 enrolladenn zo bet rastellet en holl… An div drederenn anezho zo bet niverelaet. Gall 'ra an nen deskiñ hiroc'h war ar gevredigezh Dastum o vont war he lec'hienn internet, dastum.bzh, ha tennañ gounit eus an teñzorioù bet serret ganti war al lec'hienn internet dastumedia.bzh!

Sophie Huñseg, Sandra ha Ronan Geblez a zo aterset. Ur reportaj gant Erwan Blanchard.