N'a ket d'ar studierien war ar medisinerezh ar raklezenn war ar Surentez sokial! Enni eo meneget 'vefe ouzhpennet ur pevare bloavezh "internat" 'ba cursus ar studierien 'benn 2023. E-kerzh ar bloavezh se 'vefent kaset da labourat da dakadoù e lec'h n'eus ket medisined awalc'h ken. Ur mod eo 'vefe da dalañ eus an diouer a vedisined hollek 'zo 'ba Bro-C'hall. Se 'zo kaoz e felle da studierien war ar medisinerezh 'ba Brest manifestiñ hudu 'vit embann kreñv emaint a enep ar cheñchamant se 'vo 'ba o studioù… Selaouomp Eliette Karof, studierezh e 6vet bloavezh medisinerezh… Aon 'zo yafe live ar studioù war disteraat e-kerzh ar bloavezh se...

N'eo ket echu o stourm c'hoazh… M'eo bet degemeret ar raklezenn war ar surentez sokial gant ar vodadenn veur gant ar pennad 49.3 'vo studiet gant ar senedourien 'benn ar 14 a viz Du. Ur vanifestadeg all 'vo, war al live Frañs, 'benn diriaou da dont.

Ur reportaj gant Erwan Blanchard.