Abaoe teir sizhun eo lakaet lazhtioù Gad dindan adreizhadur barnezherel. Nebeutoc'h a labour 'zo abaoe ur pennad mat 'blma ma 'zo produet nebeutoc'h a voc'h, neuze nebeutoc'h da lazhañ. C'hwec'h miz 'zo roet d'an embregerezh 'neus daou lazhti 'ba Breizh-Izel: 'ba Jossilin ha 'ba Lambaol-Gwimilio, 'vit kaout un diskoulm arc'hant 'vit derc'hel da vont. 1700 plas labour 'zo en arvar memestra. Se 'zo gaozen da betra 'zo aozet ur vanifestadeg 'ba Lambaol (kichen Landivizio) 'benn arc'hoazh da 1 e 30 dirak an ti-kêr. Aozet eo gant ur sindikad 'vit stourm an distruj implij 'vefe. Ar wech kentañ 'vo warc'hoazh 'zo un oberenn sokial giz-se. Araok 'oa ket bet graet kalz a drouz. Selaouomp Albert Bouget, micherour 'ba lazhti Lambaol-Gwimilio. Ouzh mikro Herve ar Beg, eus Arvorig FM, emañ.