2000 kilometrad evit an euskareg.
Hiziv zo roet lañs d'an triwec'hvet korrika e bro Euskadi. Loc'het eo ag Andoain hag e arruo 'benn ar 24 a viz meurzh e Bayonna. Savet eo ar rederezh a zorn da zorn, evit sekour get ar yezh euskareg. Diàr e skwer oa bet krouet ar redadeg, amañ er vro. Selaouamp doc'h Jakez Bortahiru, kenurzhier ar gevredigezh AEK, Alfabetatze Euskalduntze Koordinakundea, a aoza ar c'horrika. Laret a ra deomp petra eo an tem chwajet ar blez-mañ, ha penaos e c'hell an dud kemer perzh. Komzoù dastumet get Olivier Le Clainche a RBG.
