10 vloavezhiad a labour da lakaat war wel sevenadur Breizh ! Lidet e vo krouidigezh BCD, Bretagne Culture Diversité, en dibenn-sizhun-mañ, e Pondi. Savet e oa bet ar gevredigezh da skignañ ar gouiziegezhioù war Breizh ha da renabliñ glad sevenadurel dizanvezel ar vro...

Kregiñ a ray fest an deiz-ha-bloaz a-benn emberr gant un nozvezh filmoù, war tem an dañsoù, er sinema Rex, e Pondi. Saverez ar film « Danse avec les ruines », Mylène Sauloy, a vo aze da gontañ kaoz gant ar publik.

Kenderc’hel a ray ar jeu disadorn gant ur brezegenn vras diwar ar goulenn(où) « Petra sinifi labourat evit sevenadur Breizh ha petra 'dalv sevenadur Breizh ? » Pevar atalier a vo goude kreisteiz diwar-benn palioù BCD.

Tudi Kernalegenn, rener Breizh Sevenadurioù, a lâr deomp eo Deiz-ha-bloaz BCD un digarez da reiñ d'anavout muioc'h d'an dud ar gevredigezh staliet en Oriant...

Pennad-kaoz gant Yuna Kojan