Kolier an Erminig gant Olier ar Mogn
Disadorn e oa lid kolier an Erminig e Josilin, ar c’holier-se vez roet bep bloaz d’an dud o deus labouret evit Breizh, hor sevenadur hag hor yezhoù. Ar bloaz-mañ eo bet priziet ar merdeadez Anne Kemere, ar stourmer broadelour Michel Chauvin, hag an doaroniour Yves Lebahy. Priziet eo bet ivez Olier ar Mogn, yezhoniour roazhonad ha rener skiantel ofis publik ar brezhoneg. Tost eo Olier ar Mogn deus Roazhon, lec’h eo ganet, lec’h neus desket brezhoneg, ha lec’h neus tremenet tout e vuhez labour e brezhoneg, e skol an emsav, Skul uhel ar vro, ofis ar brezhoneg ha bremañ Ofis publik ar brezhoneg.
Un atersadenn gant Anton Burel.
