Warc'hoazh 'vo digoret dorioù ti ar vro Gwened!
Un distro-skol 'zo bet evit ar vugale, ar studierien, ar gelennerien… Met setu distro-skol ar c’hevredigezhioù eo ivez ! Dorioù digor Ti ar Vro Bro Gwened ‘vo dalc’het disadorn. Un digarez eo evit mont e darempred gant ur bochad kevredigezhioù eus ar vro… Pe dizoloeiñ al levraoueg gant ar 1 300 levr e brezhoneg !
Moian vo ivez lakaat ho anv d’ar c’hentelioù e brezhoneg a zo kinniget gant Ti ar Vro Bro Gwened.
Muioc’h mui a dud a zo dedenet gant ar c’hentelioù-se. Selaomp Anne-Claire Quiviger, e karg eus an diorenn e Ti ar vro. Gant Yuna Cojean.
