En arvar emañ ar peskerezh e Breizh. Setu danvez ar gemenadenn embannet get ar c'holektif Peskerezh ha diorren staliet en Oriant. E penn ketañ miz C'hwevrer oa bodet dilennidi Parlamant Europa ha bouezhet gete ar reform keunniget get Maria Damanaki, komiserez an aferioù mor hag ar peskerezh. Er PCP-mañ, politikerezh kumun ar peskerezh, e vo diwhennet tamm ha tamm d'ar besketourion teurel an danvez pesketaet, hag iwez pesketaat get ar roued-stlej pe get ar sac'h-driv. Un dra « diboell ha desidet diàr abegoù toull » eme Alain Le Sann, ezel ar c'holektif. Muioc'h a zisplegadennoù getoñ doh mikro Yaelle ar Mouel. 'benn 2015 emañ ar reform-mañ da vout lakaet e plas.