Chenjet eo disoc'h kampionad ar bagadoù.
Disul oa kentsrivet get pemzek bagad er rummad kentañ en arbenn a lodenn getañ ar c'hampionad ba Brest. Ha setu embannet ar c'hlasamant : ketañ : Kevrenn Alré, eil : Bagad Cap Caval ha trede ; bagad Kemper. Mes ur fari zo bet er jedadennoù ha 'benn ar fin eo klaset ketañ Cap Caval, get 17,137 poent dirak an Alreiz get 17,131 poent. Vonig Fraval, renerez Bodadeg ar Sonerion a zispleg deomp ar reolenn lakaet e plas get ar c'hevredad.
Marie Le Cam, prezidantez bagad Kevrenn Alre, a zo a-du get an disoc'h mes dipitet eo get ar feson d'ober.
