Daoust ma 'z eo bet desidet gant ar Rannvro reiñ arc'hant d'ar c'hludoù-yer o vrasaat evit gellet eilerc'hiañ produksion Gad, e vez tud ha kevredigezhioù o tougen klemm evit ma ne vefe ket aotreet an embregerezh Kermaria sevel kludoù yer all e Laoulan. Ur vanifestadeg a zo bet d'ar sadorn 20 a viz Du evit stourm a-enep d'an tier feurm uzin ha d'ar yaou 25 a viz Du eo bet kuzuliet gant lez varn melestradurel Roazhon e vefe nac'het goulenn ar c'hevredigezhioù da chom hep sevel ar c'hludoù-yer-mañ e Laoulan. Jil ha Joel a oa e manifestadeg disadorn, deus mikro Yuna Cojean. Tamm diwezhañ pennad kaoz ar sun diwar benn an harrelerezh er skolioù, gant Gregory Evenas, penn kasour e Skolaj Lise Diwan Gwened. Magali Baron a gont, deus mikro Tomaz Laken, al labour enklask bet kaset en ul levr diwar benn enez vriad. Ha plasoù da c'hounit evit mont da welet Aymeric Lompret e Karaez d'ar sadorn 27 a viz Du.