Kunujennet 'blam da liv kroc'hen he mab
Kasoni, sotoni a ya mat asambles gant gouenelouriezh: setu 'pezh 'neus bevet Sabrina, daou viz 'zo war barking ur gourmarc'had 'ba Lokournan, lec'h m'emañ goude bout bet oc'h ober he defaotajoù gant he mab 'zo chokolad e groc'hen, e dad 'zo a orin eus Ghana 'ba Afrika. Gant div vaouez 'oa bet kunujennet 'blam da liv he mab, ha dec'h 'oant bet barnet gant lez-varn Brest: disoc'h : ur c'hastiz arc'hant ha pempzektez a doull-bac'h gant goursez. Selaouomp Sabrina, mamm ar paotrig Owen 'zo daou vloaz.
