Roet 'zo bet lañs da festival an Deizioù e bro an Oriant.
Disadorn e oa bodet tud Emglev bro an Oriant hag ar c'hevredigezhoù zo perzh en aozadur-mañ. Evit an 26 gwezh emañ savet an Deizioù ar blez-mañ. Ar pal eo lakaat àr-wel sevenadur ar vro dre abadennoù a bep seurt, kement-mañ e-pad tri miziad. Arvestoù, koñsertoù, diskwezadegoù, atalieroù kegin ha c'hoazh. Ar c'hontour Lucien Gourong a gennigo iwez un arvest un tamm dihortoz. Yvonig ar Merdy eo prezidantez Emglev bro an Oriant, hiroc'h e lâr deomp doh mikro Yaelle ar Mouel.
