Dec'h 'oa bet skignet ar film «the runway», eilmouezhiet e brezhoneg, evit ar wezh kentañ. E Douarnenez 'oa kinniget, en aoditoriom ar vediaouaeg. Ur film savet e bro-Iwerzhon, ha n'eo ket bet lakaet e galleg. Daou dra dibar ouzhpenn d'ar film-mañ, hag a c'hell degas diaesterioù o lakaat anezhañ en ur yezh all: unan deus an tudennoù pennañ ennañ zo ur bugel, hag egile na gomz nemet spagnoleg, en ur film saozneg da gentañ. Laors Skavenneg, rener arzel en Dizale, en deus graet war-dro d'an eilmouezhiañ. Lâret 'ra deomp da gentañ penaos 'vez dibabet gant Dizale ar filmoù da eilmouezhiañ. Gant Tudual Karluer.