'benn fin ar miz e vo chwajet an dud a gemero perzh ba kambreier labour-douar ar vro e-pad an c'hwec'h vlez da zonet. Àr ar renk deus en em lakaet ar C'honfederation Paysanne neus c'hoant lakaat ar beizanted da gompren e heller beviñ mat get un dachenn vihan. Ha kreskiñ berped e dachenn a lak ar vecher en arvar. Er Morbihan dre skwer zo bet kollet tri mil pemp kant labourer-douar e-korv an dek vlez paset. Eujene an Diagon a zo àr ar listennad e rummad ar re e retred. Faotiñ a ra dezhoñ diwhenn e feson da welet ar retredoù ha chenj ar sistem. Emañ doh mikro Yaelle ar Mouel.