Hennezh a oa bet kelenner saozneg e Baod. Komz a rae ar yezhoniour a Bleurdud ar saozneg, ar russeg, an alamaneg, an italianeg, ar spagnoleg ha c'hoazh. A-hed e vuhez neus labouret evit ar brezhoneg. A-volontez vat e roe e avizoù durant e gentel, an abadenn skignet bemdez àr Radio Bro Gwened a-c'houde 2006. A galon get e familh emañ skipailhad RBG. E miz eost paset e oa bet roet dezhoñ kolier an Erminig. Ha pemzek deiz 'zo oa bet graet un tamm lig evit reiñ inour dezhoñ get ar gevredigezh Dre Gomz, e Baod. Selaouamp doh Albert Bocher aterset an deiz-se.