Bec'h bras zo àr skolajoù ha liseoù divyezhek ar vro evit an distro-skol-mañ c'hoazh. Evel ba skolaj Kallag, e lec'h ma oa bet digoret un hentenn àrlane. Evit ar blez he deus nac'het ar rektoriezh roiñ an eurioù a rofe an tu da bevar a vugale da genderc'hel get o studi divyezhek, en c'hwec'hvet klas. Dilun e oe deuet ur pemzek bennaket a dud da vanifestiñ dirak ar skolaj. En o-mesk, Gwendal Berthou, skoliet e vugale e skolioù divyezhek ar vro. Hiriv, goude kreisteiz, e vo digemeret dileuridi Divyezh get servijoù ar rektoriezh e Roazhon. Galvet e oe dud da vanifestiñ dec'h da noz e Montroulez e-tal lise Tristan Corbière a-benn roiñ mouezh da zifenn amzer da zonet hentennoù divyezhek ar vro. Ur pennad kaoz great get Tomaz Laken.