Bec'h 'zo etre Lannuon Treger Kumuniezh (LTC) ha sindikad dour bro Dreger. Da biarzek mil a dud 'vez kaset dour getoñ, e eizh kumun tro dro da Drelevern. Setu : faot a ra da LTC lonkiñ ar sindikad... Met n'eo ket a-du tamm ebet nag ar sindikad, nag ar c'humunioù a zo perh er sindikad. Ti kêr Perwenan ha ti kêr Louanneg hepken a zo a du evit ma vehe distramet ar sindikad... Met e penn an div barrez-se e kaver just a-walac'h bez-prezidanted LTC, da skwer maer Louanneg, 'zo ivez bez-prezidant an hani e karg ag an dour er gumuniezh !! Peadra da blantiñ trouz en o c'huzulioù kêr, get dilennidi all a zo a-enep groñs d'ar raktres... Pezh 'zo e vo nac'het get LTC roiñ ar gwir d'ar sindikad an dour chom emrenn evel m'emañ. Dec'h de vitin 'veze dalc'het un emvod e Perwenan get implijidi ar sindikad ha kuzulierion kêr an eizh kumun... Evit klask ur feson de sooviñ ar sindikad. Jañ-Yves Nedeleg a zo Prezidant ar sindikat. Mont mad 'ra ar jeu ga'r sindikad. Izel priz an dour evit an dud, barrek an implijidi, kudenn arc'hant ebet... Setu n'eo ket an tiezh kêr evit kompren perak int rediet get LTC da zismantrañ ar sindikad. Ankeniet braz ivez gopridi an aozadur na oaront ket da vat da blec'h vint kaset goude fin miz Gouere... Da lâret eo, ma n'eo ket bet kavet emglev embet, pa vo marv da vat sindikad dour Trelevern. Ur pennad-kaoz great get Gwenvael Delanoe.