An « DEM muzik hengounel », kinniget gant Skol vuzik Bro-Dreger, zo ur stummadur graet a-benn prientiñ un Diplom Studi war ar Sonerezh. Ha war ar sonerezh « trad' », ar sonerezh hengounel, aze. Marteze ho peus c'hoant d'ober ur c'hammed war-du ar vicher kaner.ez pe soner.ez, pe stummer.ez war ar sonerezh ? Marteze a-walc'h ho peus c'hoant da zeskiñ traoù, tanavaat ho skouarn, en em varrekaat war ar c'han pe en em varrekaat war ho penveg-sonerezh ? Setu ur stummadur graet evidoc'h neuze, sur ! Kaou Davay, kaner anveet ar strollad War-Sav a zo gant an DEM muzik hengounel-se just a-walc'h. Emañ gant e vloavezh-studi diwezhañ.