Dindan ar glav-pill hag an avel yen 'oa bet bodet tro dro 5 000 a dud disadorn e straedoù Kemper, da zifenn ar c'helenn e brezhoneg. Bodet voen diwar c'halv ar rouedadoù skol e brezhoneg, Diwan, Divyezh ha Divaskell. Kevredigezhoù 'vel Kelennomp, Sonerion, ar Redadeg, pe c'hoazh Kevre Breizh o doa galvet ivez da vanifestiñ 'vit difenn ar c'helenn e brezhoneg 'zo lakaet diaes 'blam d'ar stad, ha da vinisterelezh an Deskadurezh. Stanket vez gant Jean-Michel Blanquer an tabutoù evit an emglev stad-rannvro 'vit pezh a sell eus diorenn ar brezhoneg hag ar gallaoueg er pemp ploaz a-zeu. Kalzig a dud 'oa neuze, ha kalzig a strolladoù politikel. Hir eo bet ar maread da gemer ar gaoz e digoradur ar vanifestadeg : Setu d'ur gelennerez da lañsañ ar prantad kaoz war al leurenn, heuliet gant ur bern politikerien eus a bop tu 'oa deuet da gemer ar mikro. Ur reportaj gant Gwenvael Delanoe