Gant Strollad ar Vro Bagan 'zo embannet ur bladenn sonerezh diwar ar pezh c'hoari anvet "War hent Youenn Gwernig"! Ur pezh hag a zo bet kroet e 2019 evit kontañ buhez ar breton 'oa aet da New-York da vevañ 'kerzh fin ar bloavezhioù 50. ha distroet da Vreizh un nebeut bloavezhioù warlerc'h. Amañ 'ba Breizh eo bet brudet Youenn Gwernig 'vit bout bet kizeller, aktour ha kaner evel just. 'Bar bladenn 'kaver ar c'hanaouennoù hag an tonioù 'klever 'bar pezh c'hoari. Setu 'pezh 'oa o c'hortoz an arvestourien 'zo bet o welout anezhañ. Muioc'h a displegadenn gant Tangi Merrien. Ennañ eo bet fiziet c'hoari perzh Youenn Gwernig gant Goulc'han Kervella, al leurenner. c'hoari sur dac'h met kanañ ivez. Gant Erwan Blanchard. Gant Paker Prod eo embannet ar bladenn "War hent Youenn Gwernig" hag ingalet eo gant Coop Breizh. Gallout 'reer kavout 'nezhi 'bar stalioù pladennoù ar vro pe war lec'hienn internet Paker Prod.