Digor eo savenn lojistik XXL ar SICA 'ba Kastell-Paol abaoe penn kentañ ar blez 'mañ. Dek vlez 'zo 'oa bet roet lañs d'ar raktres. Ar gevredigezh Kervorus Vilargren he doe savet a-eneptañ. Kaset oe bet an afer dirak al lez varn mar a wech peogwir ne oa ket ar raktres hervez al lezenn. Met seul taol eo aet ar maout get ar SICA. Digor eo, neuze. Ar savenn 'zo bras a bevarzek devezh arat àr un dachenn a zouar mat 'zo pevar devezh arat ha tregont. Koust 'ra al labourioù hanter million d'ar c'hooperativ legumaj a vro-Leon... Sikouret oent bet get Rannvro Breizh ivez. Ur yac'had dek million a euroioù 'zo bet kavet da gas al labourioù ! Mona Bras a zo kuzulierez rannvro, troet àr an ekolijez. He soñj he deus a-ziàr ar sammad argant bet roet d'ar SICA... Eviti n'eo ket ar skipailh a zo e penn ar rannvro, hiriv, a zo kaoz ar yalc'had se... met Jean-Yves an Drian. Un emglev en doe sinet get ar SICA 'pa 'oa prezidant Breizh.