Gall'reer klask en em sonjal 'pa weler 'zo 56 den tapet gant ar c'horonavirus diwar 100 000 'ba Penn ar Bed. pell nebeutoc'h 'vit 'ba bro Nizza, da skouer, 'zo skoet mat gant muioc'h 'vit 600 den diwar 100 000 'zo tapet gant ar c'hovid. Ar c'hovid 19 'zo bet dizoloet 'ba Breizh ur bloaz 'zo. 'ba Morbihan. Abaoe 'zo bet lakaet e pleustr memes muzulioù strizh 'bar vro ha 'ba lec'h all 'ba Republik Bro-C'hall: bac'hañ an dud 'ba gêr, ar c'heulfe, gwiskañ maskloù, serriñ ar mirdioù, ar sinemaou ha kement 'zo. Deomp da selaou soñj Brendan Lefeuvre, medisin anezhañ 'ba Lesneven. Hag evit en em dizober eus ar c'hovid 19, 'vefe brav, hervez ar medisin yaouank, mont da vrec'hiañ ha dre se gellout adkavout ur vuhez normal ar buanañ ar gwellañ. Pezh ne vo ket araok an hañv d'an abretañ.