'Neus ket sinet Republik Bro-C'hall, hag ar seizh stad all 'neunt an armoù nukleel, ar feurm emglev da baouez ganto. Lakaet eo da dalvezout an Trete etrevroadell da difenn implijout seurt armoù (TIAN) diriaou tremenet ha muioc'h 'vit 50 stad 'neunt sinet 'nañ dija. Se 'zo kaoz 'noant manifestet daou c'hant den disadorn 'ba Brest, diwar galv ar CIAN 29, ur c'homite da stourm a enep an nukleel. Brest 'zo unan eus kêrioù arrouezus war an dachenn se kar ur bon-mor nukleel 'zo staliet 'ba lenn vor. Herve Kadiou 'zo ezel eus Skol-Veur ar Peoc'h 'ba Brest 'oa e-touez ar vanifesterien disadorn. Selaouomp 'nañ ouzh mikro Erwan Blanchard.