'Benn fin ar gont 'neus divizet prefed Isle-ha-Gwilen difenn aozañ ar vanifestadeg 'ba Roazhon da souten an den yaouank a zo bet bac'het da c'hortoz, tamalet eo da vezañ aozet ar rave-party e Lieuron. Daou vil pemp c'hant den (2500) e oa er rave-party-mañ, aozet da geñver Kalanna. Gellout a rafe an aozerion bezañ toull-bac'het 10 vlez. Breutaer ar paotr en deus lâret ne oa ket e gliant e-touez an aozerion. Morgane zo ezelez eus Unvaniezh Studierien Breizh. Ar strollad-mañ a zo un unvaniezh evit ar studierion 'zo e Roazhon 2. Ar pal eo difenn ar studierion hag ar brezhoneg er skol-veur. Gant izili eus Unvaniezh Studierien Breizh 'zo bet embannet ur gemenadenn war Facebook evit goulenn dieubiñ an aozerion. Reiñ a ra Mogane he soñj deomp. Emañ ouzh mikro Yuna Cojean.