Ur politikerezh boutin al labour-douar, ur PAC nevez a zo o vezañ peurachuet an negosiasionoù anezhi etre Parlamant Europa ha Kuzul ar Vinistred. Ur cheñchamant a vo degaset gantañ. Betekhen voe gant ar PAC arc'hant roet d'ar Stad deus un tu, hag arc'hant roet d'an rann-vroioù deus un tu all. Gant ar politikerezh nevez e vo lakaet e plas ur seurt plan strategel broadel war live bro C'hall a bezh. Roet e vo an holl arc'hant d'ar Stad, ha dibab a raio eñ ar pezh vo kaset da benn er rann-vroioù. Kollet 'vo galloud er mod-se gant rann-vroioù Frañs. Levenez Molac a labour e Brusel. Graet he deus stajoù e parlamant Europa hag e dileurierezh rann-vro Breizh e kêr Brusel. Ur c'hounskrid en eus skrivet diwar-benn al liamm etre Unvaniezh Europa ha rann-vroioù Europa. Ul lodenn outañ a gomz diwar-benn ar PAC. Displegañ a ra deomp perak e vo disheñvel an doare da lakaat ar PAC nevez e plas etre Frañs ha broioù all eus Europa. Emai deus mikro Yuna Kojan