E Rostrenn, e kreiz Breizh, 'oa bet dalc'het un tamm marc'had Nedeleg e fin ar sizhun. Netra dic'hortoz forzh pe bloavezh all, met un tamm klaoustre ar bloaz-mañ. Hag un degouezh gortozet 'walc'h. Ur pemp stal warn-ugent, artizaned diwar-dro dreist-holl, a oa war blas. Ha tud o vale, kement ha tennañ o mad deus an dra evit ober tammoù prenañioù 'raok an Nedeleg, ha lakaat o fri 'maez o zi ivez, dav eo lâret. Jeannot Flajeul zo eil-maer e Rostrenn, hemañ an hini en deus graet war-dro d'an aozañ, ha da lâret deomp penaos eo bet. Deus mikro Tugdual Karluer