Daou den meur 'zo aet da anaon disul e Mor-Bihan. Ernest Kerfourn oe frer 'ba kumuniezh Sant-Herve en Henbont. Brudet oe en Henbont peogwir 'neus graet kaset labour forzh pegement aveit sikour ar re yaouank, ar repuidi hag an dud didoenn. Memes eo marvet Simonne De Bollardière. Stourmerez e oe aveit difenn gwir ar maouezed, a-enep ar feulsterioù hag an nukleel. Stourmet 'neus, ivez, get he gwaz ar Jeneral Jacques de Bollardière, a-enep ar jahinerezh e-pad ar brezel en Aljeria. Christian ar Meut, ezel eus ar gevredigezh « Solidarité exilés Henbont », 'neus anavezet mat Ernest Kerfourn ha Simone de Bollardière. Un tamm testeni gantañ ouzh mikro Yuna Cojean.